МЕДИЦИНАЛЫҚ ТУРИЗМДІ ДАМЫТУДЫҢ ТҮРКИЯ ТӘЖІРИБЕСІ

TURKEY EXPERIENCE IN THE DEVELOPMENT OF MEDICAL TOURISM

Akerke Agabekova

student, Department of Hospitality and Tourism, Kenzhegali Sagadiyev University of International Business,

Kazakhstan, Almaty

Nazerke Arslanova

student, Department of Hospitality and Tourism, Kenzhegali Sagadiyev University of International Business,

Kazakhstan, Almaty

АННОТАЦИЯ

Медициналық туризм бүкіл әлемде өсіп келе жатқан экономикалық бағыт болып табылады және оны дамыту елге үлкен экономикалық пайда әкеле алады. Салыстырмалы түрде аз уақытта Түркия медициналық туризмнің саласындағы көшбасшылар арасында орын алды. Бұл мақала Түркияның медициналық туризмді жақсарту жөніндегі саясатын қарастырып, оның медициналық туризмді дамыту тәжірибесін талқылайтын болады.

ABSTRACT

Medical tourism is a growing economic trend around the world, and its development can bring great economic benefits to the country. In a relatively short time, Turkey has taken a place among the leaders in the field of medical tourism. This article will discuss Turkey's policy to improve medical tourism and discuss its experience in the development of medical tourism.

Кілт сөздер: медициналық туризм; емдік туризм; денсаулық сақтау, Түркия.

Keywords: medical tourism; treatment; health care, Turkey.

Кіріспе

Әлемдік медициналық туризм секторы бүгінгі таңда өсу мен даму қарқынының ең жоғары көрсеткіштерінің біріне ие, 50-ден астам ел медициналық туризмнің дамуын ұлттық саясаттың мақсаттарының бірі ретінде көрсетеді. Медициналық туризмнің дамуы денсаулық сақтаудың жаңа тұжырымдамасының пайда болуына себеп болды. Медициналық туризм саласына салынатын инвестиция көлемі жыл сайын артып келеді. Медициналық туризмнен түсетін кіріс ол жоғары дамыған елдерде, емдеу ақысын 90% - ға дейін төмендетуге мүмкіндік береді.

Медициналық туризм

Медициналық туризмді пациенттерді өз елдерінен басқа елдерге негізінен емдеу мақсатында жылжыту ретінде анықтауға болады, өйткені бұл елдер денсаулық сақтауға, жоғары сапаға және төмен бағаға қол жеткізуге уәде береді. Негізгі мақсат, әдетте, медициналық емдеу болса да, оған демалу және релаксация шаралары, сондай-ақ операциядан кейінгі емделу кіруі мүмкін [1]. Медициналық туризм, әдетте, денсаулық жағдайын тәуелді талаптарға байланысты болғандықтан, туризмнің басқа түрлерінен ерекше. Денсаулық сақтау шығындарының артуы және денсаулық сақтаудың жаһандануы бүкіл әлемде медициналық туризмнің өсуінің негізгі себебі ретінде көрсетілуі мүмкін. Медициналық туризм орындарында жүргізілген емдеу, әдетте, медициналық сақтандырудан асып түседі және өз қалтасынан төленеді [2].

Түркиядағы медициналық туризм дамуы

Он жыл бұрын Қоғамдық денсаулық сақтау ұйымдары Түркияның денсаулық сақтау саласында басым болды. 1990 жылдан кейін денсаулық сақтау саласына жеке сектордың инвестициялары күрт өсті және ол айтарлықтай прогреске қол жеткізді. Бұл өтпелі кезеңді білімді және жоғары білікті дәрігерлер және басқа да медициналық қызметкерлер қолдайды және Халықаралық стандарттау ұйымдарының медициналық ұйымдарды аккредиттеуі арқылы күшейтіледі. Өтпелі кезең жергілікті және шетелдік пациенттер үшін жоғары сапалы, бірақ қол жетімді медициналық қызметтерді құруға мүмкіндік берді. Нәтижесінде Түркия жыл сайын әлемнің түкпір-түкпірінен 40 000 медициналық туристерді қабылдайтын медициналық туризм бағытына айналды [3]. Түркия мемлекеті «Grail» ұйымы зерттеуінде медициналық туризмнің басты бағыттарының бірі ретінде көрсетілген. Түркияны емдеудің келесі түрлері бойынша мамандандырылған: органдар мен сүйек кемігін трансплантациялау, кардиология және жүрек-тамыр хирургиясы, онкология, экстракорпоральды ұрықтандыру, ортопедия және травматология, омыртқа хирургиясы, нейрохирургия, репродуктивті денсаулық және имплантация алдындағы генетикалық диагностика, пластикалық хирургия, стоматологиялық қызметтер, офтальмология [4]. Түркия салада осындай жетістіктерге салыстырмалы түрде қысқа уақытта өзінің саясаты арқылы жетісті.

Түркия медициналық мекемелерді стандарттау және аккредиттеу процесіне үлкен мән береді. Түркияның аккредиттелген ұйымдары негізінен жеке ұйымдардан тұрса да, денсаулық сақтау министрлігі Мемлекеттік денсаулық сақтау ұйымдары үшін стандарттау және аккредиттеу процесін бастады. Түркияның аккредиттелген медициналық ұйымдарының саны 2012 жылы 48-ге жетті және Түркия әлемде аккредиттелген ұйымдардың ең көп саны бар елдердің үштігіне кіреді [5]. Осы ауруханалардың бірі «Acıbadem Health Group» Forbes баспасында әлемдегі «Баруға тұрарлық 10 аурухананың» қатарында жарияланды [6].

Түркиядағы клиникалардағы бағалар заңды түрде реттеледі, Түркияда емдеу құны Еуропамен салыстырғанда 25 - 30% - ға төмен, ал кейбір қызметтер екі есе арзан. Қан контрастын енгізуді көздейтін және тамырлардың функционалдығын бағалауға мүмкіндік беретін ангиография немесе басқа сөзбен айтқанда тамыр жүйесінің рентгенографиясы Түркияда 5000 долларды құрайды, ал АҚШ-та бұл 47000 долларды құрайды [7].

Бұқаралық ақпарат құралдарында жариялау медициналық туризмді дамытудың тағы бір маңызды қосалқы компоненті болып табылады. Денсаулық сақтау министрлігі 2010 жылы Медициналық туризм департаментін құрды. Осы департамент шетелдік туристтерді қабылдауға арналған барлық жағдайларды жасаумен қатар, медициналық туризм маркетингімен айналысты. Түркияда сауықтыру туризмін дамыту үшін арнайы веб-сайт «www.healthinturkey.org» құрылды. Түркиядағы медициналық туризм шет елдерге бағдарланып, ауруханаларда шетелдік пациенттерге арналған бөлім және 40 мемлекеттік ауруханадағы төрт тілді аударма қызметі іске қосылды [6].

Сонымен қатар, Қаржы министрлігі Медициналық туризмді қолдау үшін бірнеше ынталандыру заңдарын қабылдады. Бұл салықтық жеңілдіктер ді қамтиды. Мәселен, медициналық ұйымдар медициналық туризмнен алатын табыстың тек 50 % - ына салық төлейді. Экономика министрлігі де әлемдік нарыққа шығуды қолдау үшін кейбір ережелерді қабылдады. Медициналық туристердің ұшу шығындарын 50% - ға дейін қолдауға болады. Министрлікпен протоколы бар ұйымдар осы қолдауды пайдалана алады. Клиникалардың шетелде ілгерілеуін қолдау, олардың сертификаттар алуы үшін бюджеттен ақша ажыратылады [7].

Қорытынды

Медициналық туризм экономикалық тұрғыдан елге үлкен кіріс әкеле алатын, туризмнің перспективалы салаларының бірі болып табылады. Түркиядағы медициналық туризмнің қарқынды дамуы негізінен елдің тиімді саясатының нәтижесі болды десек қателеспейміз. Мемлекет тарапынан шетелдіктерді тартушы медициналық ұйымдарға көптеген жеңілдіктер ұсынылды. Және осы бағытты дамыту үшін арнайы Департамен құрылды. Медициналық туризмдегі бағаны реттеу мемлекет деңгейінде қолға алынып, сапаны жақсартуға үлкен көңіл бөлінді.

Әдебиеттер тізімі:

1. Burkett, L. (2007). Medical Tourism: Concerns, Benefits and the American Legal Perspective. Journal of Legal Medicine, 28(2):  45.
2. Herrick D. M. (2017) Medical Tourism: Global Competition in Health Care Dallas, Texas: National Centre for Policy Analysis.
3. Horowitz, M.D. & Rosensweig, J.A. (2007). Medical tourism—Health care in the global economy. Physician Executive, 33(6): 30.
4. Mirrer-Singer, P. (2017). Medical malpractice overseas: the legal uncertainty surrounding medical tourism. Law and Contemporary Problems, 70: 32.
5. Carrera, P. & Bridges, J. (2006). Globalization and healthcare: Understanding health and medical tourism. Expert Review Pharmacoeconomics Outcomes Research, 6: 17.
6. Carabello, L. (2018). A medical tourism primer for U.S. physicians. Medical Practice Management, 23: 51.
7. Chen, Y. B. & Flood, C. M. (2019). Medical tourism’s impact on health care equity and access in low-and middle-income countries: making the case for regulation. Journal of Law and Medicine Ethics, 41(1): 73.